Natura eta gastronomia dira mendi ederrez eta ezkutuko bailarez inguratutako barnealde honen ezaugarri nagusiak. Merezi du azoka tradizionalak bisitatzea: Tolosako azoka (larunbatetan) eta Ordiziako azoka (asteazkenetan). Bertako produktuez gozatu ahal izango dugu, giro paregabean.
Inguru honetan garrantzi handia du Idiazabal gaztak, eta, beraz, gaztandegi tradizionalak bisitatzea proposatzen dizugu, nahi izanez gero zure Idiazabal gazta egin dezazun. Eta hori gutxi balitz, naturaz gozatzeko aukera ezin hobea ematen du, Aralarko Parke Naturalean kokatzen den «Txindokiko Itzala» abentura parkean.
Nafarroa, Frantzia eta Gaztelatik zetozen bidaiarien bidegurutze eta topagune, Tolosak merkataritza hazkunde garrantzitsua bizi izan zuen. Gaur egun, asteko azoka egiten jarraitzen da, urteko larunbat guztietan. Benetako gozamena zentzumen guztietarako.
Ibilbide hau asteazkenetan egiten da, egun honetan ospatzen bait da Ordiziako feria. Ibilbidean Elikadura eta Gastronomia guneak bisitatzen dira, aipamen berezi bat eginez Idiazabal Gaztari, Goierri eskualdeko produktu tipikoenetako bat. Ordiziako ferian saltzen diren produktuak garaiko eta kalitatezko produktuak izaten dira.Goiza bukatzeko Ordiziako jatetxe batean bertako produktuekin egindako menu bat dastatuko dugu.
Zatoz Idiazabalgo gaztaren Interpretazio Zentrora, eta esperientzia osatzeko, bisita ezazu gaztandegi bat, bertako gaztak dastatzeko.
Abentura parke bat da, erronkez betea. Jarduera honetan bakoitzak bere abileziak eta trebetasunak praktikatu ahal izango ditu. Prezioa familia osoarentzat (3-5 kide).
Gaztandegiko artzainak etxeko atea irekiko dizu gaztaren elaborazio sekretuak, produktuaren xehetasunak eta bere historia ezagutu ahal izateko.
Prezioak hortik aurrera*